Hindi ako makasagot. Hindi ko alam ang sasabihin ko. Ayokong magsinungaling kasi alam ko naman na wala ring silbi. Bistado na kami agad hindi pa nagsisimula kaya para saan pa kung magsisinungaling ako?
“Wala ka man lang bang sasabihin?” mababa ang boses na tanong niya, pero nakakatakot pa rin.
“S-Sorry po,” sarkastiko siyang natawa sa sinabi ko.
“Hindi ka man lang magde-deny? Hindi ka magsisinungaling? Come on, entertain me with the excuses that you both made,” aniya, umiling naman ako agad.
“N-Nagkakilala po kami kahapon. Kasi balak ko pong perahan siya. Nagsinungaling po ako sa kanya. Sinabi ko na nabuntis niya ako kasi kailangan ko ng pera, kailangan kong mabayaran ang utang namin ni Tita sa may ari ng bar na pinagtatrabauhan namin para makaalis na kami doon at makanahap ng ibang tr
