Kagaya ng sinabi ni Havoc ay hinintay ko na siya sa opisina niya habang nagtatrabaho siya para sabay na kaming makauwi. At habang ginagawa ko iyon ay palakad lakad ako sa kabuuan ng opisina niya at tinitignan iyong mga pictures, displays at mga awards na nakuha niya.
Ang dami ng mga awards niya, nakakatuwa. Tapos nakakatuwa rin kasi may mga pictures din siya ni Donya Guada sa office niya.
May isang bookshelf akong nakita, puno iyon ng libro kaya nagtitingin din ako banda doon. Sa pinakagitna ng bookshelf ay may mga pictures din niya, merong pictures niya noong bata pa siya kasama ang isang guwapong lalaki na kamukhang kamukha niya.
“Siya ba ang Tatay mo?” tanong ko habang tinuturo iyong picture at hindi inaalis ang tingin ko doon. Ayokong hawakan ang kahit na ano baka may masira pa ako
