Late na nang magising ako sa sumunod na araw. Hindi ako nakatulog kaka-isip sa dalawang beses na naging halikan namin ni Havoc kahapon. Ang akala ko nga ay masarap ang magiging tulog ko dahil hinayaan ulit niya akong sa kama matulog pero hindi. Mali ako.
Pakiramdam ko ay maloloka na ako kakaisip kung bakit at paano nangyari ang mga kissing scenes namin na iyon. Oo, sinabi naman niya na magkunware kaming totoo ang lahat, pero kasama ba doon iyon?
Para akong baliw kagabi na pagulong gulong sa kama dahil sa mga nangyari, at maging ngayon na nagising na ako ay para pa rin akong baliw na mapapangiti, tapos ay gugulong ulit sa kama.
Kung hindi ko lang napansin na alas nueve na pala ng umaga ay hindi pa ako tatayo. Bago ako tuluyang makatayo mula sa pagkakahiga ay may napansin akong almusal sa
