Kasalukuyan pa rin kaming kumakain ng hapunan habang nagsasalita si Primo tungkol sa mga bagay na puwede naming gawin para sa paghihiwalay. Nakikinig lang naman kami ni Havoc sa kanya at madalas ay nagtatanong ng kung ano ano.
“The Philippine Constitution protect the sanctity of marriage, meaning to say, tama si Jara, it’s really hard to get legally separated here in the Philippines,” saad niya. “First step is we need to find good lawyers. You both need to have different lawyers. Hindi puwedeng iisa lang. The court might take it as collusion or connivance, and it’s against the law,” dagdag pa niya kaya napatango tango ako.
Sa totoo lang ay alam kong mahirap talagang maghiwalay rito sa Pinas, at ngayon ko lang naririnig at nalalaman ang iba sa mga sinasabi ni Primo kaya nakakatuwa kasi ma
