Mag-a-alas dose na iyon nang tanghali nang makarating kami. Sinalubong kami ng dalawang matanda at sinabi nilang tumawag daw sa kanila si Jag para sabihin na darating nga kami para magbakasyon sa isla.
Ang sabi nila sa amin ay tawagin na lang daw namin silang Nanang at Tatang. At habang kausap sila ni Havoc ay iginagala ko ang paningin ko sa lugar.
Maganda ang bahay nila, simple pero sumisigaw ng karangyaan. Malawak ang bakuran, at siguro ay may isang daang metro bago magkaroon ulit ng panibagong bahay.
Napaka-presko pa dahil maraming iba’t ibang klase ng puno. Mga dalawapung metro naman ay ang dagat na mismo. Asul na asul ang kulay at puti ang buhangin.
Akala ko nga nung una ay dito kami sa kanila tutuloy, magtataka na sana ako kasi ang sinabi ni Havoc sa akin ay walang ibang tao mali
