REIGHN SELESTINE
“Ano ba ang gusto mo sa isang lalaki? Alam ko naman na gusto mo si Lance, kaya anong nagustuhan mo sa kanya?” tanong niya sa akin kaya nagulat ako.
Naalala ko na naman ang sinabi sa akin ni mommy. Na magkaiba ang crush sa pagmamahal. Kaya gusto ko rin tanungin ang sarili ko kung gusto ko ba talaga si Lance. Alam ko na crush ko siya pero para kasing unti-unti ng nawawala ang paghanga ko sa kanya. Kapag kausap ko kasi siya ay wala na ‘yung dating excitement at kilig.
“Si Lance kasi, kuya ay—”
“Matulog na lang tayo at ‘wag mo na lang sagutin.” biglang sabi niya sa akin.
“Kuya, ayaw mo bang malaman ang sagot ko?” tanong ko sa kanya at tumingala ako kaya nagtama ang mga mata naming dalawa.
“Ano ba ang sagot mo?” tanong niya sa akin.
“Kuya, si Lance ay malapit sa akin. Pa
