REIGHN SELESTINE
Kanina pa ako nakatitig sa bulaklak na binigay sa akin ni Kuya Vin. Hindi ko alam pero tinatamad na akong kumilos at nasa tabi ko lang ito habang nakahiga ako dito sa kama ko. Ang ganda kasi ng kulay niya. Ang aesthetic masyado ng mga roses na ito. Ilang pictures na rin ang mayroon ako at ang lahat ng ‘yun ay maganda. Sayang lang dahil wala ang phone ko. Gagawin ko sana itong wallpaper ko.
Kahit pa tinatamad ako ay hinanap ko pa rin ang vase na nakatago sa cabinet. Doon ko kasi ilalagay ang mga bulaklak na ito. Wish ko lang na hindi agad malanta. Ang bango pa naman niya.
Inayos ko ito at nilagay ko sa side table ng kama ko at ang isa naman ay nilagay ko sa may labas. Nang tumingin ako sa wall clock ay alas singko na pala ng hapon. May sinaing pa naman ako kanina kaya hi
