NAGISING akong wala na si Yuri sa tabi ko. Tiningnan ko ang oras pagkabangon ko. Mag-a-alas otso na pala ng umaga. Inayos ko na lang ang pagkakasalansan ng unan sa kama pati ang comforter. Kumuha ako ng damit sa bag na dala-dala kahapon ni Mama at saka naligo muna sa banyo bago bumaba.
Naabutan ko silang lahat sa kusina. Ang dalawang kasambahay ay abala sa pagparoo’t parito para ihanda ang lamesa. Sa Ma’am Alice naman ay kausap sina Mama at Tiya Mildred.
“Good morning ho,” agaw ko sa kanilang atensyon.
“Oh? Gising ka na pala. Bakit hindi ka pa natulog? Sabi ni Alexis magmamadaling araw ka nang pumanhik, ah.” Si Ma’am Alice.
“Eh, Ma’am, baka ho ma-late ako.”
Naupo ako sa katabi ni Mama na upuan sa lamesa nang ituro iyon ni Ma’am Alice.
“Ano ka ba? Huwag ka munang pumasok mamaya pa
