KUMALABOG ang puso ko nang mamataan ang pamilyar na kotseng kararating lang sa parking lot ng mall. Mabuti na lang at nakapasok na kami sa loob ng sasakyan ni Alexis. Sa harap ako umupo at sa backseat naman si Yuri. Katatapos lang namin mamili sa supermarket.
“Are you okay?”
Nakamata sa akin si Alexis. Siguro ay nagtataka siya sa ikinikilos ko. Agad akong tumango at ginawaran siya ng ngiti. Sa sobrang kaba ko ay hindi ko na napansing hindi ko pa pala nakakabit ang seatbelt ko. Namalayan ko na lang ikinakabit niya iyon sa akin kaya saglit na nagkalapit ang aming mga mukha. Naramdaman ko ang kanyang mainit na hininga sa bandang gilid ng leeg ko.
“Salamat.”
“Gutom ka na ba? Gusto mo daan muna tayo ng restaurant para makakain ka?” aniya.
Mabilis akong umiling saka lalong kinabahan. “Ay,
