MALAKI at may dalawang palapag ang bahay nina Ma’am Alice. Nasa isang exclusive subdivision nga ito. Malalaki at magagarang bahay rin ang nadaanan namin kanina habang papasok dito. Ang kusina nila ay kasing laki na yata ng bahay namin ni Mama.
Hinugasan ko ang basong ginamit ko sa pag-inom ng tubig saka pinunasan iyon at ibinalik sa lagayan. Tahimik ang kabahayan. Na siyang nakatulong dahil sumakit yata ang ulo ko kanina sa ingay sa loob ng evacuation center. Idagdag pa na namomroblema kami ng kung anong mangyayari sa amin kinabukasan.
Naglakad ako pabalik ng sala. Hindi ko akalain na gano’n pala sila kayaman. Napaka-down-to-earth kasi ng boss ko. May isang bagay pa ako na natuklasan tungkol sa kanila.
“Bakit hindi ka pa natutulog?”
Natigilan ako nang makasalubong ko si Alexis. Kabab
