NAPANGIWI ako nang pagmulat ko ng aking mga mata ay medyo kumirot ang ulo ko. Kumurap ako nang ilang beses para luminaw ang paningin ko. Nasa isang malambot akong kama.
Iginala ko ang aking paningin nang maramdaman kong tila may nagmamasid sa ‘kin. Gano’n na lang ang panlalaki ng mga mata ko nang mapagsino ang taong nakatitig sa akin nang mariin habang nakaupo sa gilid ng kama.
“Gabriel! Saan mo ako dinala?”
Napabangon ako nang diretso nang maalala ko na ang nangyari. Hindi pamilyar sa akin ang kuwartong ito. Hindi ito ang condo niya. At lalong hindi ito sa bahay nila.
“Glad you’re awake.”
Hindi niya ako sinagot. Basta lamang siyang nakatitig sa akin at tila binabantanyan kung ang bawat galaw ko. Hinanap ko ang aking bag.
“Nasaan ang bag ko? Nasaan ang cellphone ko? Kailangan kon
