Moon
CHIARA ELENA
Anong ginagawa ko?
Paulit-ulit kong tanong sa sarili ko ‘yan habang nakahawak sa braso ni Raze papalabas ng pinagtatrabahuhan ko. Ramdam ko ang pag-iinit ng buo kong mukha sa labis na kahihiyan ngayon.
Hindi ko alam kung anong sumapi sa akin at talagang pinanindigan ko ang pagpapanggap sa harap nila Candice kanina na boyfriend ko si Raze.
Anong gusto kong patunayan sa kanya?
Oo, sa kanya.
Kay Kaiden Casimiro.
Labis ang pagpipigil kong lumingon sa kanila ni Candice. Mabuti na lang at napagtagumpayan ko ‘yon hanggang sa makalabas kami.
“Naku, Chiara! Hindi na ako makakasama sa inyo. Nag-chat si Tita, pinapauwi akong maaga. Kami na lang daw ang mamili sa linggo at may bisita sa bahay.”
“H-huh? Biglaan naman–”
“Sige na, babush. Raze, ingatan mo ang kaibigan ko ah
