Acquaintance I
CHIARA ELENA
Malalim akong bumuntonghininga at hindi na mabilang kung ilang beses sinulyapan ang kabuuan ng sarili sa salamin.
Suot-suot ko ang tube dress na binili sa akin noon ni Kaiden. Tinulungan naman ako ni Nanay sa make-up ko. Mabilisan lang iyon dahil tinawag din agad siya ni Angeline.
Hinayaan ko na lang lumadlad ang kulot-kulot kong buhok imbes na iipit iyon. Ginamitan ko na lang ng hair spray para hindi iyon magulo mamaya.
Kinuha ko ang cellphone ko nang mag-ping iyon ng notification.
Baby ♥♥♥: I want to see you.
Natawa ako nang makita ang nickname ni Kaiden sa messenger ko na pinakialaman niya kaninang madaling araw matapos akong sunduin sa trabaho.
Ilang araw ang matuling lumipas simula nang sagutin ko siya. Tulad nang sinabi niya’y para ngang nanlilig
