Acquaintance II
CHIARA ELENA
Medyo may kalayuan ang field sa function hall kung saan ginaganap ang acquaintance party namin. Nang lumabas ako mula roon ay halos wala ng katao-tao sa labas dahil malapit nang mag-umpisa ang program.
Ngayon pa lang ay iniisip ko na ang sasabihin ko kay Kaiden na tiyak kong selos na selos ngayon. Pagdating pa naman kay Raze ay ewan ko ba at ganoon na lang kalaki ang inis at selos niya kay Raze.
Pagdating ko sa field ay kinabahan pa ako dahil madilim doon. Nakakakabang may basta na lang humila sa akin at—
“Ahh—“ nabitin ang malakas kong pagtili nang may yumakap sa akin mula sa likod.
Napabuntonghininga ako at napapikit nang maamoy ang pamilyar na pabango ni Kaiden.
Mahina kong hinampas ang kamay niya. “Bakit ka ba nanggugulat?”
Hinawakan niya ang kamay
