Nadulas
CHIARA ELENA
Masakit ang ulo ko maging ang mga mata ko nang magising ako sa tunog ng alarm clock ko. Papasikat pa lang ang araw at antok na antok pa ako dahil anong oras na akong nakatulog dahil yata sa kape na itinimpla ni Candice para sa akin.
Masarap ‘yon pero mukhang kailangan ko na siyang tanggihan kung sa gabi niya ibibigay ‘yon sa akin. Talagang hindi ako pinatulog no’n.
Ayon lang ba ang hindi nakapagpatulog sa ‘yo?
Ipinilig ko ang ulo sa naisip na imahe at kumilos na para sa mango juice ni Angeline. Aantok-antok pa ako nang bumaba ako at nag-unat ng katawan. Nasalubong ko si Cherry na maaga muling abala para sa pagluluto ng almusal.
“Oh ikaw din? Anong meron at keaaga ng gising n’yo?”
“Ako din?” takang tanong ko sa kanya.
“Oo, kakalabas lang nila Sir Kaiden at Ma’am
