Pakiusap
CHIARA ELENA
“Hindi enough ang awa–”
Ipinilig ko ang ulo sa paulit-ulit na boses ni Kaiden sa isip ko ninanais na mawala na iyon. Mula kanina’y umukilkil sa utak ko ang mga sinabi niya kanina.
“Anong nangyari sa suot mo kanina, maging ang sandals mo’y naiba,” ani Nanay na hindi ko namalayan ang pagdating sa kwartong inookupa ko.
Napatingin siya sa paper bag na nasa kama. Ni hindi ko alam kung bakit maging ang inakala kong pinamili ni Kaiden para kay Angeline ay ibinigay niya sa akin.
Tumayo ako mula sa pagpupunas ng mukha kong nabasa dahil sa paghihilamos at nilapitan si nanay.
“Ah iyong damit nay, namantsahan. Tapos iyong sandals naman po bumigay at nasira, siguro kasi matagal ko nang hindi isinusuot.”
Tumango-tango siya at sinilip ang laman ng paper bags. “At binilhan
