CHAPTER 46
"Basta. Mahirap pang ipaliwanag. Naguguluhan ka pa. Hindi mo pa ako magawang pagkatiwalaan. Alam kong kahit anong sasabihin ko ngayon sa’yo, hindi mo buong matatanggap. Sana, maintindihan mong natatakot akong mawala ka, na may mangyari sa’yo kasi ikaw na lang ang naiiwang nagmamahal sa akin. Ikaw na lang ang meron ako. Ang taong nagparamdam sa akin ng pagmamahal kahit pa alam kong hindi na buo ang pagtitiwala mo sa akin. Masyadong maraming nangyari sa araw na ito at hindi ko alam kung kakayanin mong tanggapin at iproseso ang lahat kaya huwag na lang sana muna.” Huminga siya ng malalim. Sinuklay-suklay niya ang buhok ko gamit ang kanyang mga daliri. Bumaba ang kanyang kamay sa aking mukha, “Ikaw ba? Kaya mo ba akong mawala sa’yo?”
“Kung para sa kaligtasan ng ibang tao at ng sar
