CHAPTER 22
Dali-dali akong pumasok sa bahay na nagsisigaw. Isinara ko na agad ang pinto at sumandal ako roon. Nagulat ako nang biglang parang may kumakatok. Hindi lang pala katok, pagpag. Pinagpagpag ang pintuan na parang may halos kaluskos. Lalo akong napasigaw sa aking takot. Napapikit ako habang umuusal ng dasal. Hanggang sa nawala ang kaluskos sa pinto. Binuksan ko ang aking mga mata at nagulat ako nang biglang may nagpakitang lalaking duguan sa harap ko. Matamang nakatingin sa akin. Nanginginig ko itong pinagmasan na bukas ang aking bibig. Kalunos-lunos ang ayos ng lalaking halos hati na ang ulo niya sa pagkakataga. Naliligo ang lalaki sa sarili nitong dugong umaagos hanggang sa kanyang talampakan. Hindi ko na magawang sumigaw pa sa pagkabigla. Napatda ako roong nakatitig lamang sa m
