[AFTER THREE YEARS]
ANIKA POINT OF VIEW
"Kanina ka pa tulala diyan. Wala ka bang balak na matulog?" Napalingon ako kay Rico na yumayakap na ngayon mula sa likuran ko. "Alam kong maganda ang buwan pero kailangan mo ng matulog."
"Bukas na ang pulang buwan. Araw ng basbas. Hindi ka ba natatakot?"
"Anong kailangan kong ikatakot? Mahal naman natin talaga ang isa't isa. Kaya wala tayong dapat ipangamba tulad ng sabi ni Tita Kassandra," mahinahon niya pa ring sagot at isiniksik sa leeg ko ang kanyang mukha.
May tiwala naman ako sa pagmamahal niya sa akin. Sadyang hindi ko lang maiwasang mag-isip nang kung ano-ano lalo na't lumalaki na si Nathalie. Kinakabahan ako na bigla kaming pumalpak ni Rico at may mangyari na ikakapahamak ng isa sa amin.
"Mahal, ang dami mo namang iniisip. Pati ko na
