Chapter 16
“HELLO, Ate!”
Ngumiti ako ng marinig ang boses na iyon ng kapatid ko. Siya ang una ko nakita tapos sumunod na ang mukha ni Mama at Papa. Ngayon lang ako ulit nakatawag sa kanila at grabe na iyong nararamdaman ko na pagka-miss sa kanila. Para bang gusto ko na hinalahin ang araw at umuwi sa kanila sa Pasko.
"Kumakain ka ba diyan, anak?" Tanong ni Mama sa akin. Nasapo ko ang magkabilaan ko na pisngi dahil iyon ang basehan ni Mama para masabi na pumayat ako o tumaba.
"Opo, 'Ma. Ganito lang talaga pisngi ko," sabi ko sabay ngiti.
Umirap ang Mama kaya lalo ako natawa. Kinuha ni Papa sa kanya ang cellphone at kinausap ako. As usual, pinauuwi na naman niya ako dahil sa mga nababalitaan na kaguluhan na malayo naman dito sa Denmark. Napaka-tahimik nga sa lugar na ito at masyadong aba
