Pagpasok ni Viz sa komedor ay nagulat siya nang nakahanda na ang mga paborito niyang pagkain sa mesa. Sumilip si Nessa mula sa kusina at nginitian siya, dala nito ang tray ng isa pang putahe at lumapit sa mesa para ilapag iyon. Malinis nitong ipinusod ang buhok. She also wore a classic apron over her sundress.
This woman was his wife.
Napasulyap siya sa wedding ring na nasa palasingsingan nito.
Still his wife.
Pero buong-buo na ang loob niyang ituloy ang pakikipaghiwalay dito.
“Maupo ka na, Viz, niluto ko ang mga paborito mo.”
“Hindi na. I should be at the office by 11AM.” Late na siyang nagising dahil inabot na ng umaga ang pagtatalik nila ni Nessa. Nakakamangha ngang may nahugot pang lakas ang asawa niya para ihanda ang mga paborito niyang pagkain gayung pareho silang napuyat.
