Danica
LUMIPAS ANG mga araw at linggo na para akong lumulutang sa ulap. Hindi pa rin ako makapaniwala hanggang ngayon na mahal din ako ng lalaking noon pa man ay iniibig ko na.
Mas ipinaramdam pa niya sa akin ngayon ang pagmamahal niya ngayong may baby na kami dito sa sinapupunan ko. Mas itinuon pa niya sa amin ngayon ang atensyon niya. Mas inaalagaan pa niya kami ngayon ng mabuti.
Madalas pa rin siyang lumalabas para magtungo sa trabaho niya. At naiiwan naman kami ni Lance dito sa bahay.
SUMAPIT ANG limang buwan ni baby sa tiyan ko. Kailangan namin ngayong magtungo ni Dave sa clinic ni Doktora Bautista para masuri akong muli at maisalang na sa ultrasound. Ayon kay Doktora ay ngayon namin malalaman ang gender ni baby.
Excited na ako!
"Sasama na ako, Ate?!"
"Oo, pero behave ka lang
