Danica
Pagkatapos namin sa clinic ay dumiretso kami sa isang malapit na mall.
"Wow! Ang ganda naman dito, Ate!" bulalas ni Lance habang lumilinga sa buong paligid. Hawak ko naman ang kamay niya. Si Dave ay nasa tabi ko at hawak din ang kamay ko. "Di ba, nakapunta na tayo dito dati, Ate? Kasama si Mama!"
"Natatandaan mo pa 'yon? Mall din 'yon pero hindi dito. Sa ibang mall naman 'yon."
"Pasko na, Ate. Ang dami ng Christmas lights!" Kumukuti-kutitap din ang mga mata niya sa paglinga sa buong paligid.
Sabi ko na nga ba at matutuwa talaga siya dito.
"Pasko na kasi. Ang ganda nilang pagmasdan."
"Saan mo gustong kumain, Lance? Kakain muna tayo," tanong naman sa kanya ni Dave.
"Pwede po ba sa Jollibee, Kuya Dave?" nahihiya pa niyang tanong sa Kuya niya.
"Sure. Ikaw muna ang bida kay Jo
