"Hello, tita! Nandito na po ang pinakamagandang nilalang sa buong mundo!" bulalas ni Tine pagkapasok pa lang ng pinto namin.
Napatigil din ako sa paglalaro ng tekken dahil sa sigaw ni Tine. Inasahan ko nang parating sila kaya hindi na ako nagulat pa. Magkaka-text lang naman kasi kami kanina. Hindi na sila nagpasundo dahil may van naman sina Mea.
"At ang pinakamaingay," ani kuya Mervin sa tabi ko.
Tumayo ako sa sofa at saka sinalubong ang mga kaibigan ko. Mga ready-ng ready talaga sila dahil medyo may karamihan ang dala nila. Tinulungan ko sila sa pagbubuhat ng mga gamit nila at saka sila pinapasok.
"Tulungan niyo silang magbuhat ng gamit papunta sa kwarto. Manong, dito po sa kusina ang mga plastik," utos ni Mame na agad naming sinunod.
"Tara! Alam niyo na naman kung nasaan ang kwarto
