NANG sumapit ang kinahapunan, agad tumawag si Travis nang maghuhukay ng lupa na pinagtatayuan mismo ng gazebo. Hinintay niya talaga na makaalis ang daddy niya bago niya gawin ang kanina niya pang binabalak sapagkat kapag nandito iyon sa bahay, pipigilan siya nito. Kung hindi nga guilty ito, marapat lang na hayaan siya nito sa gusto niyang mangyari. Kapag kumontra ito, guilty ito.
"Talagang hindi mo napigilan ang sarili mo, 'no? Sineryoso mo talaga iyong biruan natin kagabi," saad ni Sean na nakatayo lang sa tabi niya.
"I can't help myself, dude. Paano nga kung nasa ilalim niyan si mommy? Dad will pay for it," tugon ni Travis sa kaibigan habang magkakrus ang mga braso sa harap ng dibdib at nanonood sa mga lalaking walang tigil sa paghuhukay. "Kung wala man si mommy diyan, hindi pa rin ako
