PRINCE STEVE ALONZO
Nagmamadali akong umuwi sa bahay nang tinawagan ako ni Mamo. Ang aking mapagmahal na Yaya. Siya ang babaeng tinuring ako na parang isang tunay na anak. Ang sabi niya sa akin ay nagwawala na naman daw si Mommy Stella. Dahil doon ay hindi ako mapakali at kailangan kong umuwi. Hindi ko naman inaasahan na sasamahan ako ng mga kaibigan ko sa bahay. Sa totoo lang, habang nagmamaneho ay hindi ko mapigilang mapaluha dahil sa pag-aalala. Siguradong hinahanap na naman nito ang kakambal kong si Princess Sofia.
Si Princess Sofia ay nawala nang mga mahigit 18 years ago sa isang trahedya. Ang sabi ni Daddy sa akin, dumalo raw kami ng birthday party at sa isang yate ginanap ang selebrasyon. Nasa loob daw kami nang nangyari 'yon habang sila Mommy ay nasa labas ng yate para lumanghap
