SANDRA VILLA AMOR
Hindi ako pwedeng umiyak lang dito at walang gagawin. Hindi ako ito, matapang ako at alam kong kaya ko sila. Nangako na ako sa sarili ko noon pa man na wala ng sino man ang pwedeng mang-aapi sa akin. Bumuntonghininga lang ako at pinunasan ang luha sa mga mata ko. Pagkatapos, lumabas na ng banyo para bumalik na sa classroom. Sa sandaling ito, pinapangako ko sa sarili ko na hindi na ako magpapatinag sa mga babaeng iyon. Bahala na si Ken kung sino ang paniniwalaan niya! Ang mahalaga sa sa akin ngayon, hindi ko palalagpasin ang ginawa nila. Humanda sila sa akin! Kung gusto nila ng maduming laro, ibibigay ko iyon sa kanila.
Nasa classroom na ako at dumiretso sa upuan. Pagkaupo ko pa lang, kinamusta agad ako ni Cassandra. Alam niya ang totoong nangyari kaya nag-aalala siya s
