Kapwa kami natigilan ni Hugo nang pasalubong na nakahalukipkip pa si Cherry.
"Ang sweet naman ng bodyguard may pahawak pa sa baywang," sarkastikong bulalas nito nang mapuna pa nito ang hawak kong bulaklak. "Don't tell me, sa kanya rin galing ang bulaklak na 'yan?" nakangising tanong nito.
Wala akong nagawa kundi ang magtaas ng kilay sa panghihimasok nito.
"Wala kang pakialam doon!" banas kong baling kay Cherry.
Ngumisi ito. "Aba, mataray ang bastardang 'to, sino ba ang ipinagmamalaki mo, itong bodyguard mo?" tila nang-aamok na bulalas ni Cherry.
"Stop it, Cherry," bara ni Hugo saka hinawakan ang braso ko. "Mabuti pa siguro ay lumipat na lamang tayo," dagdag pa ni Hugo.
"Lilipat? At bakit naman kayo lilipat para makapagtago sa ka-sweet-an ninyo. Ano kaya ang gagawin ni papa kapag nala
