Muling bumuhos ang luha sa aking mga mata dahil sa sitwasyon ni mommy, sa sitwasyon ko at sa iniisip kong baka may pagkakonserbatibo ang pamilya ni Hugo kaya hindi pa nito handang i-share sa 'kin ang pamilya nito. Dahil sa isiping 'yon ay mas lalong bumigat ang aking dibdib.
"Kath, si Hugo 'to," tinig nito mula sa labas. "May dala ang mommy mo na pagkain para sa 'yo," hirit pang wika.
Ayaw ko pa ring magsalita dahil ayaw kong pati ito ay husgaan ako sa pagiging bastarda ko, anak ako ng isang kabit.
"Kath, buksan mo ito," seryosong tinig na ni Hugo. "O, gusto mong wasakin ko ang pinto ng silid mo," tila bantang saad ni Hugo.
Alumpihit akong tumayo at binuksan ang pinto, hindi ko na alintana ang aking hitsura sa sandaling 'yon. Nakita kong nakatitig lamang si Hugo sa 'kin habang hawak-ha
