Blaire Mackenzie’s POV
“Kumain ka ba kagabi?”
Napatingin ako kay Aubrey na naglakad sa harapan ng kitchen island bitbit ang tumbler niya na may laman agad na iced coffee. Maaga pa para sa iced coffee pero alam ko naman na sanay na sanay na siya sa gano’n.
“Hindi na,” sagot ko naman at bumaba ang tingin ko sa bacon na nasa plato ko.
Nagpahanda siya sa kasambahay nila ng breakfast kaya ito ako at kumakain. Hindi ko na kailangan magluto pa dahi lang mismong mga katulong ni Aubrey ang nagsilbi sa amin.
“Dapat kasi ginising mo ko para naman nakakain ka o kaya dapat nagsabi ka na lang kina Yaya.”
Pagdating ko kasi rito sa bahay nila, tulog na tulog na siya kaya hindi ko na rin siya ginising dahil ang sarap pa ng hilik niya. Mabuti na lang talaga sanay na sanay na rin sa akin ang mga kas
