Blaire Mackenzie’s POV
Napahikab ako nang maramdaman kong napapapikit na ang mga mata ko. Tinignan ko ang orasan ng hawak kong cellphone.
8:43 A.M
Hindi ako nakatulog kagabi dahil sa haba ng tulog ng kahapon dito rin sa kwarto ni Douglas. Kaya nanood lang ako nang nanonood sa kwarto niya at ngayon naman nag-ce-cellphone na lang ako pampalipas oras.
Napatingin naman ako sa katabi ko na kung makadikit sa akin ay parang may glue sa katawan namin. Hindi ko naramdaman na lumayo siya sa akin kahit konti. Nakayakap pa ang braso niya sa bewang ko habang nakadikit ang mukha niya sa balikat ko. Mabuti na lang sa kanan siya nakadikit dahil nasa kaliwa ko ang sugat ko.
Binaba ko ang cellphone ko at dahan-dahan kong inalis ang braso ni Douglas sa ibabaw ng tiyan ko para hindi siya magising pero
