Hindi katulad nitong mga nakaraang araw, medyo maganda na ang aura ni Andrei sa tuwing papasok na siya sa kompanya. Maaliwalas na ang kaniyang mukha hindi katulad noon na papasok palang siya ay magkasalubong na ang kaniyang kilay at para bang galit na agad sa mga tao sa kaniyang paligid.
Hindi pa man siya nakakarating sa kaniyang opisina ay sinalubong na agad siya ni Mrs. Amy. Nakangiti ang matanda sa kaniya ‘tulad nang palagi nitong ginagawa kahit na mainit at wala sa mood si Andrei.
“Good morning, Andrei,” nakangiting bati sa kaniya ni Mrs. Amy.
Tipid na ngumiti si Andrei. “Good morning, Mrs. Amy.”
“How’s your sleep? Nakatulog ka ba nang maayos kagabi dahil marami kang trabaho ngayong araw.” Napangisi na lang si Andrei dahil sa narinig niya mula sa matanda. Kahit na papaano ay gumaan
