Nakatalikod si Andrei sa kaniya at hindi niya inaasahan na pipihit paharap sa kay Noraine ang lalaki. Nanlamig siya nang makita ang malamig na mga mata ni Andrei habang nakatingin siya. Walang emosyon, blangko, at nakakakaba. Ngayon lang siya kinabahan sa lalaki dahil aminado siyang may mali siya, may nagawa siyang kasalanan dito.
“Noraine,” seryosong tawag sa kaniya ni Mr. Edwards. Inalis na rin ni Andrei ang tingin nito sa kaniya kaya naman muling napalunok si Noraine bago magsimulang maglakad palapit sa mag-ama. “Come here, hija,” tawag sa kaniyang muli ni Mr. Edwards. Kinakabahan na talaga siya, hindi na niya alam ang gagawin, hindi na niya alam ang dapat na maramdaman.
Huminga nang malalim si Noraine at nagpatuloy sa paglalakad. Nang makapasok siya sa loob ng garden ay agad niyang n
