KINAGULAT ni Tanya ang masayang pagbati sa kanya ng gwardya sa lobby ng condo ni Sixto. Ito pa rin yung gwardyang madaldal noon na lagi niya ka-chika-han kapag gusto niya mag-aral sa lobby. Nandoon pa din yung receptionist na binati din siya na may matamis na ngiti sa labi. Nagbago 'man ang interior ng buong building, parehas pa rin ang ambiance doon. Masaya, maingay at homey sa pakiramdam.
Naaliw ang mga ito sa kadaldalan ng anak niya na kinuwento pati yung pagpunta nito kasama si Sixto sa zoo at ocean park. Iyon naman yata ang gusto nito ngayon marine biologist saka agriculturist. Mamumulubi talaga siya sa batang iyon dahil pabago bago ang gusto na namana nito sa kanya. Lahat galing kay Sixto, mula sa itsura, tabas ng dila, at kakulitan. Iyong indecisiveness lang ang nakuha sa kanya na
