NAGISING si Aicel na may sumpong at ayaw magpababa. Karga karga niya lang ito kahit nasa kusina lang naman siya unit ni Sixto. Hindi tuloy siya maka-order ng pagkain nilang mag-ina at ayaw naman niya gisingin si Sixto dahil parang katutulog lang nito. Malalim siyang napahugot ng hininga saka tiningnan ang anak. Lukot ang mukha nito sa hindi niya malamang dahilan.
"Ano ba gusto mo baby? Aga aga naman may sumpong ka na naman." Hindi ito sumagot at binalik ang ulo sa pagkakasandig sa balikat niya. Malalim siya napabuntong hininga bago uli nagsalita. "Sabi mo 'di mo na pahihirapan si mommy. You made a pinky swear promise to me last time. Hindi ko alam kung may masakit ba sa 'yo, ni ayaw mo pa magsalita."
Napalingon siya sa bumukas na study room. Niluwa noon si Sixto na kagigising lang at nag
