INASIKASO lahat ni Cold mula sa mga bills ng kuryente na hindi nabayaran. At pati na rin sa mga suweldo ng mga trabahador na hindi naibigay ng kaniyang Tito Cedric.
"Sir Cold, papalitan ko na po ang mga kurtina. Isang buwan na rin kasi noong huli kong mapalitan. Matagal na rin kasi no'ng huli kong naasikaso itong bahay dahil pinagbabawalan ako ni Sir Cedric na pakialaman itong bahay. Isa pa, kinailangan ko rin kasing maghanap ng trabaho, sir. Hindi kasi kami sinahuran noon at maraming salamat dahil binigay ninyo ang sahod namin sa halos tatlong buwan," madamdaming pagkukuwento ni Aling Thelma. May hawak ito g mga nakatuping kurtina at kasunod nito ang bunso nitong anak na si Lupe na nag-aaral ng sekondarya.
"Sige ho, manang. Mamalengke lang ho ako."
"Naku, sir. Ako na ho ang ba---"
"Sa
