MABILIS na lumipas ang mga araw. Mahigit isang linggo na ang nakakalipas, pero nanatiling tahimik si Liezel. Ayon na rin mismo sa mga NBI agents na lihim na sumusubaybay sa babae. Madalas daw ay nasa bahay lang ito. Tatlong araw matapos nilang kausapin si Liezel, nagpasa ito ng resignation letter kay Himig, na nakasaad na hindi nito kayang magtrabaho para sa lalaki kung hindi na buo ang tiwala nito.
Sa nakalipas na mga araw, wala naman nangyaring masama kay Anne. Isang bagay na nagbigay ng kapanatagan ng loob niya.
“May balita na ba kay Ava? Natawagan mo na?” tanong ni Anne kay Himig habang inaayos ang maliit na maletang dadalhin nito papuntang Singapore kung saan may a-attend-an itong importanteng seminar kasama ang ilang businessman.
Bumuntong
