Ikiniling-kiling ko ang leeg ko matapos kong maayos ang mga papeles na pinapa-sort sa akin ni Delgado. Sobrang dami talaga nito pero mabilis ko lang naman natapos dahil masyado akong focus sa pagso-sort.
Hindi ko mapigilang maasar sa kaniya ng makita ko ang ibang mga papeles na mga scratch lang pala at ang iba naman ay hindi naman talaga importante.
Hindi ko alam kong pinapahirapan lang ba niya ako o hindi pero natapos ko naman sa oras ang pinapagawa niya. Baka mamaya kung hindi ko agad ito natapos ay pagalitan pa niya ako. Mukha pa naman niyang napaka-istrikto kapag nasa trabaho. Ibang-iba sa g*gong nakilala ko kapag biglang sumusulpot na lang sa tabi ko.
Nag-angat ako ng tingin ng may biglang mglagay ng paper bag sa ibabaw ng lamesa ko.
"Meryenda ka muna, mukhang kanina ka pa nakasu
