“Attorney Delgado?” gulat na nawika ni Anji nang makita si Delgado.
Habang ako naman ay pilit na hinahamig pa ang aking sarili.
Kahit ako ay nagulat na makita siya dito pero hindi ko iyon ipinahalata. Hindi ko inaasahan na siya ang mabubungaran namin dito. Ibig bang sabihin nito siya ang representative na pinadala ni Dwayne? Bakit siya? Kinulang na ba sa tauhan ang asawa ni Rebecca?
Tumingin pa sa akin si Anji na parang may nais sabihin kaya pasimple ko siyang kinunutan ng noo. Hula ko may kung ano na namang tumatakbo sa utak nito, minsan may pagkamalisyosa pa naman ito. Baka iniisip niya na may alam ako kung bakit nandito si Delgado. Wala akong alam, kung alam ko lang baka nagdalawang isip ako na tanggapin ang trabahong inalok sa akin.
Hindi ko pinangarap na maging boss ang lalaking
