"Masarap ba?" tanong nito.
Tumango siya saka nilunok ang natitirang sabaw na nasa bibig niya. Gustong bumaliktad ng sikmura niya.
"Oo, masarap."
"Uy, pahingi naman!" wika ni Luis na mabilis kumuha ng maliit na mangkok saka nilagyan iyon. Hindi na niya ito nagawang pigilan pa nang simulan nitong higupin ang sabaw ng nilagang baboy.
Gusto niyang bumunghalit ng tawa dahil sa hitsura ng mukha nito. Huminga ito ng malalim sabay lapag ng mangkok sa mesa.
"s**t!" mura nito saka nai-hampas ang palad sa mesa. "Grabe naman itong nilagang sinigang mo, Venus. Sobrang asim, halos maputol ang kaugatan ko sa leeg." Saad ni Luis, halata pa rin na hindi pa nakabawi sa sobrang asim ng sabaw.
"Ha?" nagtatakang usal ni Venus, napatingin ito kay Luis saka nagsalita, "Nilagang baboy iyan, Luis. Hindi nil
