"Hey dude, tulala ka na naman diyan. Para kang baliw ngumingiti mag-isa." Sita ni Luis kay Juan.
Kasalukuyan silang tumutulong sa mga magsasakang nag-aani ng mga palay. Sa sobrang lawak at laki ng pataniman ng palay ay siguradong aabutin sila ng gabi o kaya bukas ng umaga. Kahit madami silang mga tauhan sa hacienda ay tumutulong pa rin sila ni Luis.
"Huwag mo nga akong kausapin, Luisito." Naiinis niyang turan dito. Minsan kasi ay napapatulala siya kapag naaalala ang nangyari sa kanila ni Venus kagabi. Napapangiti siya kapag naiisip niya iyon.
"Iniisip mo si Venus, ano?" tukso nito sa kanya.
"Hindi." Pagkakaila niya saka nagpatuloy sa pag-gagapas ng palay.
"Ayon si Venus, paparating." Saad nito sa excited na boses kaya mabilis pa sa kidlat na nag-angat siya ng tingin at sinundan ang
