Nang nasa kalagitnaan na sila ng daan papuntang Hacienda ay inihinto ni Juan ang sasakyan, itinabi niya sa gilid ng daan. Umiiling siyang bumaba sa driver's seat at umikot sa gawi ni Venus.
Tulog na tulog ito, siya na ang naglagay ng seat belt nito. Baka sa sobrang lalim ng tulog nito ay biglang mahulog dahil hindi naka-seat belt, responsibilidad niya pa ang nangyari kapag nagkataon.
Walang ka-ngiti-ngiting inayos niya ang seat belt at suot nitong jacket. Hindi niya alam kung bakit pinagtutuonan niya pa ng pansin ang babaeng ito. Siguro ay dahil sa ipinagbubuntis nito. Napatiim-bagang siya.
Napatitig tuloy siya sa maamo nitong mukha. Gusto niyang mapangiti pero pinigilan niya ang sarili. Galit siya rito at naiinis lalo na kapag sinasagot-sagot siya nito pero may personality ang babaen
