BILLIE
SINADYA kong tanghali lumabas ng aking silid upang hindi ko maabutan si Damian. Kahit weekends ay nagtatrabaho ito kaya naman alam kong maaga itong aalis ngayon katulad ng nakagawian niya.
Hindi ko alam kung anong oras siya lumabas ng aking silid kagabi. Halos tatlong oras din ang ginugugol ko sa loob ng banyo kagabi upang masigurong wala na ito sa aking silid pagkatapos kong maglinis ng aking katawan. Hindi ko alam kung paano siya haharapin matapos ang nangyari. Alam kong marami siyang magiging tanong dahil sa aking inakto ngunit hindi ko alam kung paano sasabihin sa kanya ang aking nararamdaman gayong malinaw nitong sinabi ang kanyang pagtutol sa bagay na iyon.
Matapos kong maghanda at magbihis upang muling bumisita ay agad kong kinuha ang aking bag at saka naglakad patungo sa
