BILLIE
SA HALIP na umuwi gaya ng kanyang bilin ay nagpasya akong manatili sa ospital upang bantayan si Papa. Hindi kasi ako masyadong mapakali gayong walang nagbabantay kay Papa. Hindi ko alam kung kailan darating ang kinuha ni Sir Damian na magbabantay sa aking ama. Kaya minabuti ko munang bantayan siya kagabi.
Mag-aalas singko ng umaga nang magising ako upang umuwi sa aming tinutuluyan at maghanda ng ilang mga gamit na akong dadalhin.
Pasado alas-otso nang dumating ang mga tauhan ni Sir Damian upang sunduin ako. Natampal ko na lamang ang aking noo nang makita ang mamahaling sasakyan na nakaparada sa labas ng aming bahay. Siguradong tampulan na naman kami ng tsismis dahil dito. Bihira ang may maligaw na ganito kagarang sasakyan sa aming lugar. At sa mga iilang pagkakataong iyon ay hi
