BILLIE
MAGHAPON akong nagkulong sa loob ng silid. Saglit lang ang ginugol ko sa pag-aayos ng aking mga gamit sa cabinet dahil hindi rin naman ganoon karamihan ang aking mga damit. Hindi ko rin alam kung anong ikikilos sa loob ng malaking bahay na ito kaya naman mas pinili ko na lamang manatili sa aking silid. Hindi rin kasi ako kumportable sa mga mapanghusgang tingin na pinupukol sa akin ng mga tao sa bahay na ito.
Ngunit kahit na hindi ako lumabas ay hindi ko pa rin naiwasan ang pakikisalamuha sa kanila dahil maya't maya rin ang katok nila sa aking silid upang magdala ng pagkain at upang tanungin kung anong mga kailangan ko. Bagama't halos lahat sila ay naging abala sa pag-aasikaso sa akin ay hindi pa rin nakatakas sa akin ang bahagya nilang pag-ismid at pag-irap.
Nang sumapit ang gabi
