BILLIE
MAGDADAPIT-HAPON nang makarating kami sa mansyon ni Damian. Mabilis akong bumaba ng sasakyan at hindi na ito hinintay. I don't see any reason why I should be modest towards him. Ang plano ko ay gawin ang lahat ng ayaw nito upang siya na mismo ang magkusang lumayo sa akin.
Nakabukas na ang pinto habang nakaantabay ang mga kasambahay sa may pintuan. Dahil doon ay dire-diresto na akong pumasok sa loob. Akmang aakyat na ako sa pangalawang palapag kung saan naroon ang dati kong silid nang marinig ko ang baritonong tinig ni Damian.
"Let's have dinner first. I asked Manang Eden to prepare something for us," seryosong turan nito.
"Kumain ka na, hindi pa ako gutom," tugon ko saka muling tinangkang umakyat sa hagdan ngunit nakakailang baitang pa lamang ako nang muli itong magsalita.
"Tha
