BILLIE
KAY BILIS ng mga pangyayari. Namataan ko na lamang ang aking sarili na palakad-lakad sa labas ng operating room kung saan inooperahan si Papa. Ilang oras na rin ang nakakalipas ngunit hanggang ngayon ay wala pang balita sa kalagayan ng aking ama.
Si Agnes ay nagpaalam kanina na uuwi muna dahil may kailangan itong asukasuhin kinabukasan. Babalik na lamang daw siya kapag mayroon siyang libreng araw. Labis-labis naman ang aking pasasalamat sa ginawa niyang pagbantay kay Papa kanina.
Si Sir Damian naman ay tahimik lamang na nakaupo sa may bakanteng upuan na nakahilera sa labas ng operating room. Hanggang ngayon ay nananatili ito sa aking tabi upang samahan ako.
"Walking back and forth won't do any good. So, will you please seat down?" puna niya sa akin.
"Mas hindi ako mapapakali
