BILLIE
ISANG linggo na rin ang nakalipas simula nang maoperahan si Papa. Sa awa ng Diyos ay tuluyan nang ligtas sa kapahamakan si Papa. Ilang araw ring nananatiling walang malay si Papa matapos ang operasyon ngunit makalipas ang dalawang araw, sa wakas ay nagising na rin siya. Abot-abot ang aking pasasalamat dahil binigyan pa siya ng Diyos ng isang pagkakataon upang mabuhay.
"Your father is positively responding to medications. With continuous medical care and physical therapy, your father will be back on his feet in no time," paliwanag sa amin ng doktor.
"Narinig mo 'yon, Pa? Malapit ka na daw gumaling," tuwang-tuwang balita ko sa aking ama kahit na ba nasa tabi lamang namin siya.
Hirap pa rin makapagsalita si Papa dahil sa tinamo niyang pinasala dulot ng stroke. Pero ang sabi ng dok
