BILLIE
BAGAMA'T abala si Damian sa kanyang trabaho ay nagawa pa rin nitong sabayan kong mag-almusal. Ginawa naming pansamantalang kainan ang maliit na lamesa na nasa gitna ng isang mahabang sofa at dalawang maliit na sofa na pang-isahan.
Matapos naming kumain ay nananatili ito sa aking tabi sa halip na bumalik sa kama kung saan ito unang nagtatrabaho. Ako naman ay itinuon na lamang ang aking atensyon sa panood at pilit na inignora ang kakaibang init na dumadaloy sa aking katawan dulot ng pagkakadikit ng aming balat habang magkatabing nakaupo sa mahabang sofa.
Masyado akong nalibang sa pinanood kong pelikula na may pamagat na "What happend to Monday?." Kaya naman bahagya akong napapitlag nang marinig ko siyang magsalita.
"Are you ready?" untag nito. "Let's go?" tanong nitong muli.
Dahi
