The Desperate Love

KABANATA 20: FIRST NIGHT GONE WRONG

THE DESPERATE LOVE

EPISODE 20

FIRST NIGHT GONE WRONG

ARTEMIS BLITHE’S POINT OF VIEW.

GUSTO KO sanang kiligin sa halik ni Davien sa akin, pero mas nangingibabaw ang inis na aking nararamdaman dahil ang hapdi ng labi ko. May halong gigil at galit ang paghalik niya sa akin kanina sa may chapel. Nakaramdam ako ng takot at kaba sa sinabi sa akin kanina ni Davien sa may chapel pagkatapos niya akong halikan.

“This is the start of your miserable life, Artemis.”

“Welcome to hell, Artemis. Brace yourself to the consequences of your desperate love.”

Kinabahan na ako sa sunod na gagawin ni Davien sa akin. Nakakasiguro ako na maghihiganti siya sa akin sa pagkulong ko sa kanya sa relasyon namin ngayon. Pero hindi ako makakapayag na magiging kawawala lang ako. Lalaban ako… mamahalin niya rin ako pabalik.

“Tsk! Tsk! Akala ko pa naman ay tayo ang ikakasal sa isa’t isa,” sabi ni Fabio habang papalapit siya sa akin ngayon.

Nandito pa rin kami ngayon sa event place ng reception ng kasal namin ni Davien. Hindi kami magkasama dahil kausap niya ngayon ang kanyang mga pinsan. Mag-isa lang ako ngayon habang umiinom ng champagne. At ngayon ay lumapit sa akin si Fabio habang nakangisi. Mang-aasar na naman ang isang ‘to sa akin.

Inirapan ko siya. Lumapit pa rin siya sa akin at inakbayan niya ako. Mabilis ko naman na inalis ang kanyang kamay sa aking balikat at tinignan ko siya ng masama.

“Ano ka ba? ‘Wag mo nga akong akbayan! Baka makita tayo ng asawa ko,” inis kong sabi sa kanya at tinignan ko si Davien kung nasaan siya ngayon. Busy pa rin siya na kausap ang kanyang mga pinsan ngayon sa hindi kalayuan at nandoon din ngayon si Kuya Ambrose.

Narinig ko ang mahinang pagtawa ni Fabio kaya muli akong napatingin ng masama sa kanya.

“Wag mo nga akong tawanan diyan!”

Tumigil siya sa kanyang pagtawa pero nakangisi pa rin siya ngayon habang nakatingin sa akin.

“Ganap na ganap ka na talaga, ah? Paano kung malaman ng mga magulang mo ang totoo—”

“Fabio!” mabilis ko na tinakpan ang bibig niya at lumapit ako sa kanya.

“Wag ka ngang magsalita ng ganyan! Baka may makarinig sayo!” sabi ko at napatingin ako sa paligid. Wala namang nakarinig sa kanyang sinabi kanina kaya safe ako.

Tumango-tango si Fabio kaya tinanggal ko na ang aking kamay na nakatakip sa kanyang bibig. Muli siyang ngumisi sa akin at nagsalita.

“So ano ang plano mo, Artemis?”

Kumunot ang noo ko sa kanyang sinabi.

“Hmm, magpakaasawa?” patanong ko na sagot sa kanyang tanong sa akin.

Muli siyang napa halakhak. Konti na lang talaga at iisipin kong baliw si Fabio dahil kanina pa siya tawa nang tawa eh.

“Idol na talaga kita, Artemis! Tingnan mo nga, lahat ng gusto mo ay nakukuha mo… kahit iyong napaka impossible kagaya na lang ng ikasal ka sa asawa mo ngayon,” sabi ni Fabio.

Ngumisi ako at tumango. “Syempre! I’m a Miller. Lahat ng gusto ko ay nakukuha ko,” proud ko na sabi sa kanya.

Tumango si Fabio sa akin at ngumiti. “I am praying for your full happiness, Artemis. And if you have problem, you can call me anytime,” seryoso na sabi ni Fabio sa akin.

Naging emosyonal ako bigla sa kanyang sinabi kaya lumapit ako sa kanya at niyakap ko siya.

“Thank you so much, Fabio!”

“Ahem!”

Natigil ako sa pagyakap ko kay Fabio nang may magsalita mula sa aking likuran. Nang makita ko na si Davien ang nasa aking likuran ay mabilis akong napalayo kay Fabio at bahagya ko siyang itinulak palayo sa akin. Nakita ko ang inis sa mukha ni Fabio ng itulak ko siya. Hihingi na lang siguro ako ng tawad sa kanya mamaya.

“D-Davien…”

Tinaasan niya ako ng kilay bago siya tumingin kay Fabio.

“Hindi mo ba titigilan si Artemis? She’s already married to me,” malamig na sabi ni Davien kay Fabio.

Kinabahan ako bigla kasi nakita ko sa mukha ni Davien na naiinis na siya kay Fabio at ganun din si Fabio kay Davien. Magsasalita na sana si Fabio nang maunahan ko siya.

“F-Fabio, umalis ka na lang… please,” nauutal kong sabi.

Kumunot ang kanyang noo at hindi siya makapaniwala na siya pa talaga ang pinaalis ko ngayon at hindi si Davien. Umiling-iling si Fabio at tinignan niya ng masama si Davien bago siya tumingin sa akin at nagsalita.

“Kapag hindi mo na kinaya ang lalaking ‘yan, sabihan mo lang ako dahil kukunin kita mula sa lalaking ‘yan, Artemis,” sabi ni Fabio at umalis na sya at iniwan kami ni Davien.

Akmang susugurin ni Davien si Fabio nang mahawakan ko siya sa kanyang braso. Napatingin naman siya sa akin at tinignan niya ako ng masama.

“Seriously, Artemis? You just got married to me and you are already flirting with other guys?”

Mabilis akong napailing sa sinabi ni Davien.

“H-Hindi ko siya nilalandi, Davien. Magkaibigan lang kami ni Fabio!”

Inirapan niya ako at wala siyang pasabi na umalis sa aking harapan. Napakurap kurap ako sa aking mga mata at napatingin sa kanya na naglalakad palayo sa akin.

SIMULA NANG makita kami ni Davien na magkasama ni Fabio kanina ay hindi na ulit siya lumapit sa akin. Pumunta na lang ako kung nasaan ang mga kapatid ko at mga pinsan ko. Nang matapos ang reception ng kasal namin ay muli kaming nagsama ni Davien dahil papunta kami ngayon sa Banwa Private Island sa Palawan dahil doon ang aming honeymoon vacation at regalo ito sa amin nila Mommy at Daddy.

“Take care and enjoy your vacation, Anak,” nakangiti na sabi ni Mommy at niyakap niya ako.

Nagpapaalam na ako sa kanila ngayon dahil aalis na kami ni Davien. Nasa loob na siya ng sasakyan habang ako ay nandito pa rin sa labas dahil nagpapaalam pa ako sa aking pamilya.

“Thank you so much, Mommy.”

Lumapit din ako kay Daddy upang yakapin siya at niyakap niya rin ako pabalik.

Lumapit naman sa akin si Athena at niyakap niya ako. May binulong naman siya sa akin na ikinapula ng aking mukha.

“Mag-ingat ka, Trippy! Enjoy your honeymoon. Galingan mo… seduce your husband para may mangyari na sa inyo at matruelablelable na ang pag buntis mo,” bulong sa akin ni Athena at kinindatan niya ako.

Napailing-iling na lang ako sa kanyang sinabi at nagpaalam na ako sa kanila at pumasok na ako sa sasakyan dahil tinawag na ako ni Davien.

Sumakay na ako sa sasakyan at nang mapatingin ako kay Davien ay nakita ko siya na busy sa kanyang phone at kalaunan ay may tinawagan siya at si Betty ito.

“Hello, baby? Yes, paalis na kami. Be a good girl there in your tita’s house, okay? I love you, baby,” malambing na sabi ni Davien habang kausap niya si Betty sa phone.

Sana ganyan din siya kalambing sa akin… pero hanggang pangarap na lang siguro, pero maghihintay ako.

Makalipas ang ilang minuto na byahe ay nakarating na kami sa airport at agad din kaming nakasakay dahil sa private plane kami na pagmamay-ari ni Davien sasakay ngayon papunta sa Palawan. May private plane naman ang pamilya namin, pero ayaw itong gamitin ni Davien dahil meron naman siya at iyon ang ginagamit namin ngayon.

Nang makasakay na kami ay hiwalay kami ng upuan ni Davien at sobrang layo niya sa akin kaya nakaramdam ako ng lungkot. Nahihiya rin ako na lumapit sa kanya at kausapin siya dahil sobrang sama ng kanyang tingin sa akin… natatakot ako.

Ipinikit ko na lang ang aking mga mata at natulog na lang ako para hindi ako masaktan lalo.

Nagising na lang ako nang may tumapik tapik sa aking pisngi. Unti-unti kong binuksan ang aking mga mata at agad na bumungad sa akin ang gwapong mukha ni Davien na nasa aking harapan ngayon.

“Tumayo ka na diyan. Nandito na tayo,” malamig na sabi ni Davien at umalis na siya sa aking harapan.

Napakurap kurap ako sa aking mga mata at huminga ako ng malalim at inayos ko muna ang aking sarili bago ako tumayo at naglakad upang makalabas na sa eroplano. Nauna na si Davien at nakita ko na may kausap siya na mga staffs ngayon. Nang makababa ako ay lumapit na ako sa kanila. Bago pa makalayo sa akin si Davien ay napahawak na ako sa kanyang braso. Nakita ko na napatingin siya sa aking kamay na nakahawak sa kanyang braso at napataas siya sa kanyang kilay bago siya muling bumalik ang atensyon sa staffs.

“Good evening, Mrs. Maranzano! Welcome to Banwa Private Island!” bati sa akin ng mga staff.

Napangiti ako at nakaramdam ng kilig ng tawagin nila akong Mrs. Maranzano. Totoo na talaga… isa na akong Mrs. Maranzano.

Sumakay na kami ni Davien sa isang van at dinala na nila kami sa magiging villa namin. Pagkarating namin sa aming villa ay iniwan na rin kami ng mga staff at naiwan kami ni Davien. Sobrang laki ng villa namin at malapit lang ito sa dagat. Isang kwarto lang ang villa namin kaya magsasama talaga kami ni Davien sa iisang kwarto.

“I’ll take the shower first,” malamig na sabi ni Davien at pumasok na siya sa loob ng shower room.

Nang tuluyan ng makapasok si Davien ay doon na ako nakaramdam ng labis na kaba. Lumabas ako sa kwarto at pumasok ako sa ibang shower room upang maligo. Dapat pagkatapos ni Davien ay matapos na rin ako dahil may pinaplano ako ngayon at sana ay magtagumpay ako.

Binilisan ko ang bilis ng aking pagligo at nang matapos ako ay nagsuot lang ako ng bathrobe at wala akong suot na underwear sa loob.

Agad akong pumasok sa aming kwarto at inayos ko muna ang aking sarili at mukha at hinintay ko si Davien na matapos sa kanyang pagligo.

Sobrang lakas na ng pagtibok ng aking puso ngayon. Kinakabahan na ako ng sobra. Pero wala na akong ibang maisip pa, ito lang talaga. Dapat may mangyari sa amin ni Davien ngayon para magkatotoo iyong sinabi ko na buntis talaga ako at si Davien ang ama.

Lalaki si Davien… sigurado akong kakagat siya sa patibong ko ngayon.

Makalipas ang ilang minuto na paghihintay ko ay natapos na rin si Davien sa kanyang pagligo at tuluyan na siyang lumabas sa shower room. Nagulat ako nang makita ko siya na nakatapis lang. Tanging tuwalya lang na nakapulupot sa kanyang bewang ang natatanging takip sa kanyang buhat na katawan ngayon at nakikita ko pa ang pumapatak na tubig mula sa kanyang buhok papunta sa kanyang dibdib.

Ngayon ko lang nakita na may tattoo pala siya sa kanyang dibdib at isa itong ace card tattoo. Napatingin ako sa abs ni Davien… ang laki! May six pack abs siya. Ang ganda ng katawan ngayon ni Davien. Hindi talaga halata na nasa 30s na si Davien at malapit na mag 40 years old.

Kung nagulat ako sa kanya, mas nagulat siya sa akin ngayon.

“You already showered?” tanong niya sa akin.

Hindi ko sinagot ang tanong ni Davien. Tumayo ako at humakbang ako palapit sa kanya. Nakatingin lang si Davien sa akin ngayon habang nakakunot ang noo. Nang makalapit ako kay Davien ay tumigil na ako sa paghakbang at seryoso lang ang tingin ko sa kanya ngayon.

“What do you want?” tanong niya sa akin.

Huminga ako ng malalim bago ko gawin ang gagawin ko ngayon…

Hinubad ko ang aking suot na bathrobe at nang matanggal ko ito ay wala na akong saplot sa aking katawan habang nasa harapan ako ni Davien.

Nakita ko ang gulat sa kanyang mukha ng gawin ko iyon. Nanlalaki ang kanyang mga mata ngayon sa gulat habang nakatingin sa aking hubad na katawan. Para siyang hindi makagalaw sa kanyang kinatatayuan.

Ginawa ko itong advantage kaya lumapit ako sa kanya at kumapit ako sa kanyang balikat at hinalikan ko siya sa kanyang labi. Ipinikit ko ang aking mga mata at mas lalo pang pinalalim ang paghalik ko kay Davien. Bumaba rin ang aking kamay at hinaplos haplos ko ang hubad niyang katawan.

“Davien… please… f*ck me,” bulong ko sa kanya at hinalikan ko ang kanyang leeg.

Napatingin ako kay Davien at nakita kong napaawang na ang kanyang labi at nakapikit na rin ang kanyang mga mata. Muli ko siyang hinalikan sa kanyang labi at kinuha ko ang kanyang kamay at pinahawak ko ito sa aking dibdib. Bahagya akong napaungol nang maramdaman ko na bahagyang pinisil ni Davien ang aking dibdib at hinalikan niya rin ako pabalik.

Ito na… bumibigay na talaga si Davien sa akin.

Sobrang lakas pa rin ng pagtibok ng aking puso ngayon ng dahil sa kaba dahil unang beses ko itong gawin. Si Davien ang makakauna sa akin at willing na willing ako na ibigay ang aking sarili sa kanya.

Mas lalo ko pa sanang palalimin ang paghalik ko sa kanya nang bigla siyang tumigil at hinawakan niya ang magkabila kong balikat at bahagya niya akong nilayo sa kanya. Nagulat ako sa kanyang ginawa at naguluhan.

“D-Davien….”

Ngumisi siya sa akin. “Do you really think I will f*ck someone like you?”

Naguluhan ako bigla sa kanyang sinabi.

“W-What?”

Tinignan niya ako mula ulo hanggang paa at umiling-iling siya. Nakaramdam ako ng hiya kaya niyakap ko ang aking hubad na katawan at umiwas ako ng tingin sa kanya.

“Are you that really desperate to show your naked body to me, Artemis? Anong akala mo, na maiisahan mo ako? Walang mangyayari sa atin at hinding hindi kita bubuntisin. Narinig mo ang sinabi ko? Hinding hindi kita bubuntisin dahil ayokong magkaroon ng anak sayo,” malamig niyang sabi at umalis siya sa aking harapan.

Nang makaalis si Davien ay hina akong napaupo sa sahig at napaiyak ako nang malakas habang yakap ko ang hubad ko na katawan.

Ang sakit… sobrang sakit.

Ang sakit mahalin ni Davien.

Unang gabi pa nga naming mag-asawa ngayon, pero sobrang sakit na.

Paano pa kaya kapag tumagal kaming dalawa?

Kakayanin ko kaya?

TO BE CONTINUED...